အမှတ်တရ၏ တစ်ဖက်ကောင်းကင်

 

ဒီနေရာမှာ ဝင်ရောက်ကြည့်ရှုအားပေးကြပါနော်....

ဆုကဗျာ

“ အစ်မကြီး ၊ အမိရာ ’’ အပိုင်း (၁)

“ ဟော…ထမင်းအိုးဆူပြီ’’ ဆိုသည်နှင့် သူမ၏ အကြည့်တွေက မီးဖိုချောင်အတွင်းသို့ လျှင်မြန်စွာ ဆိုက်ရောက်သွားသည်။ ခရုခွံလေးများ စီတန်းကာ ချိတ်ဆွဲထားသော ၊ ခန်းဆီးတန်းကလေး တချွင်ချွင် လှုပ်ယမ်းသွားပြီး ၊ ဧည့်ခန်းမှသည် မီးဖိုခန်းအတွင်းသို့ ၊အနှီးဖြူဖြင့် ထွေးပတ်ထားသော လသားအရွယ် ကလေးငယ်ကို ပွေ့ချီလျှက် ၊ သူမ ခပ်သွက်သွက်လေး ၀င်သွားလိုက်သည်။
“သမီးကြီး ၊ ထမင်းအိုးငှဲ့မလို့လား ၊ နေနေ……အဖေပဲငှဲ့လိုက်မယ် ။ တော်ကြာ မောင်လေးနဲ့ သမီး အပူတွေလောင်ကုန်ပါ့မယ်”
ဖခင်ဖြစ်သူက ၊ ကရုဏာ သက်ဖွယ် အပြုံး ၊ ချိုသာသော စကားသံလေးဖြင့် သူမ၏ နွမ်းလျလျ မျက်နှာပေးကို အကဲခတ်ကာ ဆိုလိုက်သည်။ သူမက ၊ ဖခင်၏ စကားကို အလိုက်သင့် နာခံပြီး ၊ ရင်ခွင်ထက်မှာ ထွေးပွေ့ထားသော ကလေးငယ်ကို ၊ ချော့မြူပြီး ၊ ဧည့်ခန်းအတွင်းသို့ ပြန်ထွက်လာသည်။ “သားငယ်လေး ၊ ဗိုက်ဆာနေပြီလား ၊ မေကြီးအိပ်ရာက နိုးရင် ၊ ချိုချို စို့ရမယ်နော်”
ရင်ခွင်ထက်မှကလေးငယ်ကို ၊ ပုခက်အတွင်းသို့ အသာအယာ ပြန်ထည့်လိုက်ပြီး ၊တည်ငြိမ် ရင့်ကျက်နေသော စကားလုံးများဖြင့် သူမ တီးတိုးပြောနေမိသည်။ ပုခက်ကြိုးလေးကို အသာအယာလွှဲပြီး ခပ်တိုးတိုးလေး ဆိုနေပုံက အသက်အရွယ်နှင့် မလိုက် အံ့သြစရာကောင်းလောက်အောင် တည်ငြိမ်နေပြန်သည်။
“မောင်လေးရေ~~~~အိပ်ပါတော့~~~~မကြီးမောလှပေါ့ ၊ မောင်လေးရေ~~~~အိပ်ပါတော့~~~~မကြီးမောလှပေါ့~~~~”
သူမ ၏ ကဗျာမကျ ၊ သားချော့တေး မကျသံစဉ်ကို ၊ နေ့စဉ် အိပ်ရာဝင်ခါနီးတိုင်း နားဆင်နေကျဖြစ်မည့် ၊ ကလေးငယ်က နားလည်သည့်အလား ၊ မျက်လုံးလေး မှေးစင်းကာ အိပ်မောကျသွားလေသည်။ ပုခက်အတွင်းမှ အိပ်မောကျသွားသည့်မောင်ငယ်လေးကို သူမ ငေးကြည့်ရင်း ၊ စာကြည့်စားပွဲသို့ ခပ်ဖွဖွခြေလှမ်းများဖြင့် လှမ်းလာခဲ့သည်။

အစ်မကြီး အမိရာ (အပိုင်း ၂)

ထို့ကြောင့်လည်း ၊ သူမ ငယ်စဉ်က ၊ မိခင်ဖြစ်သူကို ၊ စနောက်တတ်သည်မှာ “ငါတို့မေကြီးက ၊သားသားနဲ့ မမကြီးကြားမှာ တစ်ရက်ပဲခြားပြီး ၊ မမပြည့်နဲ့ လ၀င်းလေးကို မွေးထားတာ သိလား …ဟား…ဟား…”။
သို့သော် သူမဘ၀တွင် အကြောက်ဆုံးအရာမှာ ၊ မိခင်ဖြစ်သူ ကလေးထပ်မွေးမည်ကိုပင် ဖြစ်သည်။
“အမေရယ်…. နောက်ထပ်တော့ ကလေးထပ်မမွေးပါနဲ့တော့…၊ မဟုတ်ရင် သမီးအိမ်ကနေ ထွက်ပြေးမှာနော် …”ဟု စိတ်ကူးပေါက်တိုင်း ၊ ခြိမ်းခြောက်စကားဆိုတတ်သည့် သူမကို မိခင်ဖြစ်သူက ပြုံးစိစိ ကြည့်နေတော့သည်။ ပါးစပ်က ပြောမည့်သာ ပြောနေသည်။ သူမ၏ ငယ်စဉ်ကလေးဘ၀ တစ်လျှောက်လုံးနှင့် ကျောင်းနေစဉ် အရွယ်ကာလများမှာလည်း မောင်လေးနှင့် ညီမလေးများ အတွက်သာ အချိန်ကုန်ခဲ့ရသည်က များလှ၏။ သို့သော်လည်း သူမ၏ ဘ၀ကို သူမ ကျေနပ်ပျော်ရွှင် နေခဲ့သည်ချည်းသာ ဖြစ်သည်။
“မင်းရို့ နာ့ကို အနိုင်မကျင့်နဲ့နော် …၊ နာ့ရို ဘာအောင်းမေ့နေရဲ ၊ နာ့အစ်မနဲ့ တိုင်ပြောမယ် မင်းရို့ကို”
မောင်အငယ်လေး၏ အသံကြောင့် သူမ မျက်လုံးများ လင်းလက်သွားသည်။ အနီးပတ်ဝန်းကျင်ကို အကဲခတ်ကြည့်လိုက်မိစဉ် ၊ မောင်အငယ်လေးနှင့် သူ့ သူငယ်ချင်း တစ်သိုက်၏ အကြိတ်အနယ် ရန်ပွဲ အသေးစားလေးကို တွေ့မြင်လိုက်ရပေသည်။ သူမ ရင်ထဲက မောင်ငယ်လေး၏ ၀မ်းသာစရာ စကားသံလေးကြောင့် လှပ်ခနဲ ပျော်ရွှင်သွားသည်။